Bumaba ng pitong puntos ang lamang ni Vice President Sara Duterte kay dating Vice President at ngayon ay Naga City Mayor Leni Robredo sa hypothetical 2028 presidential matchup na isinagawa ng OCTA Research.
Batay sa resulta ng OCTA 3rd Quarter 2026 Tugon ng Masa Survey, lumabas na 40% ng mga respondent ang pabor kay VP Sara habang 33% kay Robredo.
26% naman ng mga respondent ang undecided habang 1% ang tumangging sumagot.
Isinagawa ang survey mula September 28 hanggang October 4 sa pamamagitan ng face-to-face interviews sa 1,200 respondents.
Bumaba ang gap mula sa 11 points noong first quarter at nine points noong 2nd quarter patungong seven points sa pinakahuling survey.
