Kabuuang 139 teachers sa Cotabato City ang hindi makapagsilbi sa kauna-unahang parliamentary elections sa Bangsamoro Autonomous Region in Muslim Mindanao (BARMM) ngayong Lunes.
Ayon sa Comelec, sa halip ay papalitan ang mga guro ng mga miyembro ng Special Electoral Boards.
Sa final testing and sealing ng automated counting machines (ACM) noong Sabado, sinabi ni Comelec Chairman George Garcia na ang mga absent na teacher ay papalitan ng police officers na sinanay at inisyuhan ng election officer’s certification.
Idinagdag ni Garcia na mayroon silang naka-standby na nasa 200 PNP personnel na puwedeng ipalit sa mga guro na hindi makapaglilingkod sa araw ng halalan bilang electoral board members.
Iniimbestigahan pa aniya nila kung bakit hindi makapaglilingkod ang mga guro sa BARMM elections.
