Pinili ng Australia ang “First Light” na pinagbidahan ni Filipina actress Ruby Ruiz bilang kanilang entry para sa 2027 Academy Awards o Oscars sa International Feature Film category.
Ang naturang pelikula ay feature debut ni Filipino-Australian James J. Robinson, na dati nang nakagawa ng editorial photography, dalawang short films, at iba’t ibang music videos.
Ang “First Light” ang kauna-unahang Filipino-Australian co-production at first Tagalog-language film na isinumite ng Australia para sa Oscars contention.
Karamihan ng eksena sa pelikula ay kinunan sa Baras, Rizal.
Kasama rin ni Ruiz sa “First Light” sina Maricel Soriano, Rez Cortez, Soliman Cruz, Emmanuel Santos, Lui Manansala, Kara Adea, at Kidlat Tahimik.
