Nagbabala ang mga eksperto sa kalusugan na ang sedentary lifestyle o matagal na pagkakaupo at kakulangan sa pisikal na aktibidad ay nagpapataas ng panganib sa iba’t ibang malulubhang sakit.
Ayon sa mga doktor, ang palagiang pag-upo nang mahabang oras ay maaaring magdulot ng pagtaas ng timbang, altapresyon, type 2 diabetes, sakit sa puso, at pananakit ng likod at leeg.
Pinapayuhan ang mga taong nagtatrabaho sa opisina o madalas gumamit ng computer na tumayo at maglakad kahit limang minuto bawat 30 hanggang 60 minuto upang mapanatiling aktibo ang katawan.
Binigyang-diin din ng mga eksperto na hindi kailangan ng mabigat na ehersisyo.
Ang regular na paglalakad, pag-akyat ng hagdan, at hindi bababa sa 150 minutes ng moderate physical activity bawat linggo ay malaking hakbang tungo sa mas malusog na pamumuhay.
