Walang supporting documents na naipakita si Vice President Sara Duterte ng mag-request ito ng confidential funds para sa kanyang opisina.
Mismong si Lemuel Ortonio, OVP assistant chief of staff na may titulong assistant secretary, ang nag-kumpirma nito sa impeachment court.
Sa direct examination ni Atty. Mae Divinagracia, private counsel for the panel of House prosecutors kay Mr. Ortonio, apat na items ang hininging additional budget ng VP Sara sa DBM.
Una, augmentation of financial assistance and subsidy; ikalawa, augmentation for special duty allowance; ikatlo, additional 192 co-terminus and contractual positions; at ika-apat, confidential funds.
Ayon kay Atty. Divinagracia, tanging ang first 3-items lamang ang may kalakip na paliwanag, maliban sa confidential funds request na walang supporting explanation.
Nakapaloob din sa sulat na ang OVP ay nangako para mag-formulate ng programs, projects at activities na relevant sa national security at peace and order.
Si Ortonio ang ikalawang hostile witness ng prosecution.
