Personal na pinasalamatan ni House Speaker Faustino “Bojie” Dy III si outgoing Hungarian Ambassador H.E. Titanilla Tóth.
Si Ambassador Tóth ay nag-courtesy call kay Speaker Dy sa Batasan Pambansa bilang huling bahagi ng kanyang diplomatic mission sa Pilipinas.
Kinilala ni Dy ang “invaluable role” na ginampanan ng outgoing ambassador sa pagpapatibay ng relasyon ng Pilipinas at Hungary.
Sa panahon ni Tóth, naging makabuluhan umano ang ugnayan ng dalawang bansa, at umaasa si Dy na magpapatuloy ito kahit nasa ibang misyon na ang ambassador.
Kasama ni Tóth sa Kamara sina Deputy Head of Mission Gyula Mike at Head of the Commercial Section Vivien Jozsa.
Sa panig ng Kamara, bukod kay Dy, present din sina Deputy Speaker Maria Rachel Arenas ng Pangasinan, Committee on Inter-Parliamentary Relations and Diplomacy Chairperson Rep. Georgina “Manay Gina” de Venecia, at House Secretary General Atty. Cheloy Garafil.
