Nagpatawag si Pangulong Ferdinand Marcos Jr. ng situation briefing sa matataas na opisyal ng pamahalaan kasunod ng magnitude 7.8 na lindol sa Sarangani sa Mindanao kahapon.
Ayon sa Presidential Communications Office (PCO), kumuha ng updates ang Pangulo mula kina Social Welfare Secretary Rex Gatchalian, Science and Technology Chief Renato Solidum Jr., Health Secretary Ted Herbosa, at Office of Civil Defense Usec. Harold Cabreros.
Virtually present din sa meeting ang local government officials, kabilang si General Santos City Mayor Lorelie Pacquiao.
Sa Facebook post, sinabi ng PCO na kasalukuyang nasa Mindanao ang mga cabinet official, kasunod ng direktiba ng Pangulo para sa whole-of-government response.
Gayundin ang pagbibigay ng updates sa ongoing response efforts, damage assessments, at immediate needs ng mga apektadong komunidad.
