Nasungkit ni Pangulong Ferdinand Marcos Jr. ang karagdagang P56.3 billion na halaga ng potential investments mula sa mga Japanese firms matapos ang kanyang state visit sa Japan.
Kabilang sa posibleng paglagakan ng puhunan ng mga Japanese investors ang shipbuilding, electronics, manufacturing, semiconductors, at artificial intelligence-related industries.
Ilan sa mga nakapulong ng pangulo sa kanyang state visit ang Tsuneishi Group Corporation, Furukawa Electric Company Limited, Sumitomo Electric Industries Limited, at MinebeaMitsumi Incorporated.
Inaasahang palalawakin ng Tsuneishi Group Corporation ang shipbuilding operations sa Cebu.
Target nitong gawing fourth-largest shipbuilding nation ang Pilipinas kasunod ng China, Japan, at South Korea.
I-e-expand din ang produksyon ng advanced heat sink modules at thermal management products sa electronics at digital infrastructure.
Aabot naman mula 10,000 hanggang 300,000 na trabaho ang mae-generate sa P4.3 billion na expansion project ng Sumitomo Electric Industries Limited sa advanced electronics manufacturing.
