Nagkasa ang Department of Labor and Employment (DOLE) ng malawakang job fair sa lahat ng rehiyon sa bansa, ngayong Labor Day.
Ayon sa DOLE, mayroong 190,000 job vacancies na maaaring aplayan ng mga naghahanap ng trabaho.
Inihayag ni Bureau of Local Employment Director Patrick Patriwirawan Jr. na mahigit 2,200 employers ang kalahok sa job fairs mula sa iba’t ibang sektor.
Kabilang sa industriyang lumahok ay manufacturing, construction, wholesale and retail, hotel accommodation, at financial services.
Ilan sa mga available na trabaho ay production workers, store clerk, sales associate, customer service representative, carpenter mason, at service crew.
