Lusot na rin sa House Ways and Means Committee ang proposed abolition of travel tax.
Sa hearing kahapon, nag-mosyon si Manila Rep. Ernesto Ernix Dionisio para aprubahan na subject to “style” ang unnumbered substitute bill mula sa 17 bills na pawang pag-abolish sa travel tax ang tema.
Sunod na pupuntahan ng panukala ay ang Committee on Appropriations matapos itong unang pumasa sa House Committee on Tourism.
Paliwanag ni Panel Chairman Miro Quimbo, importante ang pagdinig ng Appropriations panel dahil ang mga programa na pinopondohan ng travel tax ay kailangang mabigyan ng pondo mula sa national budget o General Appropriations Act.
Ang proposed abolition of travel tax ay pangunahing isinulong ni House Majority Floor Leader Sandro Marcos ng Ilocos Norte.
