Pinagtibay kagabi sa 3rd and final reading ang House Bill No. 7628, para isama sa curriculum ng technical-vocational institutions at TESDA ang personal financial literacy course.
Ang panukalang ito, na inakda ni Rep. Lani Mercado-Revilla ng Cavite, ay para palakasin ang financial literacy ng mga Filipino students, workers, at trainees sa buong bansa.
Kapag na-institutionalize ang financial education sa Technical-Vocational Education and Training o TVET system, lahat ng magsisipagtapos ay hindi lang technical competencies ang bitbit nito kundi maging financial knowledge.
Naniniwala si Revilla na kapag naisama ang financial literacy sa tech-voc education, makakatulong ito sa mga kabataan para ma-develop ang disiplina sa paggastos, pangalagaan ang kita, umiwas sa utang, at makapaghanda sa future financial needs gaya ng business ventures, pagkakaroon ng sariling bahay, edukasyon, at maging sa retirement.
