Isinapubliko na ng global K-pop icon na BTS ang 14-song track list ng kanilang upcoming album na “Arirang” sa kanilang social media platforms.
Kabilang na rito ang “Swim,” “Body to Body,” “Hooligan,” “Aliens,” “FYA,” “2.0,” “No. 29,” “Merry Go Round,” “Normal,” “Like Animals,” “They Don’t Know ‘Bout Us,” “One More Night,” “Please,” at “Into the Sun.”
Ayon sa label ng BTS na Big Hit Music, nagsagawa ang grupo ng songwriting sessions noong nakaraang summer sa Los Angeles para sa album, at nakipag-collab sa star producers, gaya nina Diplo, Ryan Tedder, at El Guincho.
At upang ipagdiwang ang kanilang comeback, magdaraos ang K-pop idols ng special live event na “BTS The Comeback Live: Arirang,” sa Gwanghwamun Square sa Seoul sa March 21, na mapapanood sa Netflix.
