Dumaan sa matinding debate ang pagdetermina kung may substance ang 3rd impeachment complaint na kinakaharap ni Vice President Sara Duterte.
Inisa-isa ng House Committee on Justice na pinamumunuan ni Rep. Gerville Luistro ang anim na articles of impeachment ni Fr. Joel Saballa et al.
Naging mahaba ang diskusyon sa article five kung saan pinag-bantaan ni VP Sara na ipapapatay nito si Pres. Ferdinand Marcos, First Lady Liza Marcos at former Speaker Martin Romualdez.
Iginiit ni Rep. Leila de Lima bilang endorser at sponsor ng 3rd complaint na serious ang assassination treat ng Vice President dahil inihayag ito sa isang televised media interview.
Malinaw na nag-constitute ito ng impeachable offenses sa ilalim ng ‘betrayal of public trust, culpable violation of the Constitution and other high crimes.”
Gayunman, para kay Cong. Rufus Rodriguez, hindi impeachable offense ang naging pahayag ng VP dahil ito sa bunga lamang ng imahinasyon, desire at pagkadismaya.
Bago mag alas tres ng hapon tinapos ng komite ang hearing, subalit bukas ng umaga muli itong babalik para naman sa 4th impeachment complaint ni Atty. Nathaniel Cabrera.
