Kinumpirma ng Bureau of Customs (BOC) na walong mamahaling sasakyan ng mag-asawang contractors na sina Curlee at Sarah Discaya ang walang import entry records at certificates of payment.
Ayon kay Customs Commissioner Ariel Nepomuceno, maglalabas sila ng warrants of seizure and detention para sa mga naturang luxury cars.
Kabilang dito ang Rolls Royce Cullinan, Bentley Bentayga, Toyota Tundra, Toyota Sequoia, Mercedes-Benz G63, Mercedes-Benz G500, Lincoln Navigator, at Toyota Land Cruiser 300.
Ibinunyag din ni Nepomuceno na may pito pang sasakyan ng mag-asawang Discaya na may import entry documents ngunit walang certificates of payment.
