Handa si Department of Public Works and Highways (DPWH) Secretary Manuel Bonoan na isiwalat ang kanyang Statement of Assets, Liabilities, and Net Worth (SALN).
Kasunod ito ng utos ni Pangulong Ferdinand Marcos Jr. na sumailalim sa lifestyle check ang mga opisyal ng pamahalaan.
Hinimok din ni Bonoan ang publiko na i-report ang mga kwestyunableng proyekto sa bagong tatag na anti-corruption task force ng DPWH.
Nakatutok umano ang ahensya sa posibleng pagsasampa ng kaso laban sa mga responsable sa palpak na flood control projects sa Bulacan, Occidental at Oriental Mindoro, at Iloilo.
