Dapat mapili ang susunod na Ombudsman batay sa tinatawag na “tatlong I” o Integrity, Intelligence at Insight.
Ito ang binigyang-diin ni Sen. Alan Peter Cayetano sa paggiit na mahalagang matukoy agad ng Ombudsman ang korapsyon at maagapan bago pa sumabog bilang iskandalo.
Ayon kay Cayetano, dapat ding makasabay ang susunod na Ombudsman sa mabilis na daloy ng impormasyon sa makabagong panahon.
Paalala pa ng senador, ang kapangyarihan ng Ombudsman ay hindi gantimpala kundi isang malaking responsibilidad.
