May bagong Commissioner ang Bureau of Customs (BOC) sa katauhan ni dating Office of Civil Defense (OCD) Administrator, Usec. Ariel Nepomuceno.
Pinalitan nito si dating BOC Commissioner Bienvenido Rubio.
Kahapon ay nanumpa na si Nepomuceno kay Pangulong Ferdinand Marcos Jr. sa Palasyo ng Malakanyang.
Bukod sa posisyon sa OCD, nagsilbi rin si Nepomuceno bilang Executive Director ng National Disaster Risk Reduction and Management Council.
Wala namang ibinigay na dahilan ang Presidential Communications Office kung bakit pinalitan si Rubio.
