Isasara ang ilang bahagi ng North Luzon Expressway (NLEX) para bigyang daan ang road safety repairs kasunod ng nasirang Marilao Interchange Bridge.
Ayon sa advisory mula sa NLEX Corp., isasara ang bahagi ng ilalim ng Northbound lane ng Marilao Interchange Bridge simula mamayang ala una ng hapon hanggang sa Biyernes ng alas onse ng gabi.
Sinabi ng NLEX Corp. na bubuksan ang isang zipper lane sa Southbound direction “kung pahihintulutan ng pagkakataon.”
Idinagdag ng NLEX na asahan ang mabigat na trapiko at pinayuhan ang mga motorista na gumamit ng alternatibong ruta.
Noong Miyerkoles ay isang trailer truck ang lumagpas sa height limit at tumama sa Marilao Interchange Bridge.
