Ipinauubaya ni Senador Robin Padilla sa pasya ni Senate President Chiz Escudero ang usapin sa impeachment case laban kay Vice President Sara Duterte.
Sinabi ng Pangulo ng PDP-LABAN nasa pagpapasya ng kanilang lider sa Mataas na Kapulungan ang magiging hakbangin nila sa pagko-convene ng impeachment court sa gitna ng iba’t ibang petisyon hinggil dito.
Kaugnay nito, hihilingin naman ni Padilla kay Escudero na makapagbigay sila ng mungkahi tungkol sa impeachment rules.
Sang-ayon ang senador na amyendahan ang senate impeachment rules lalo’t masyado nang matagal o hindi na updated ang mga nakalatag noon pa na alituntunin sa paglilitis ng impeachment.
