Mahalaga na malaman natin kung bakit kailangang maayos ang sirkulasyon ng ating dugo sapagkat mapapanatili nitong maganda ang ating kalusugan.
Ilan sa mga karaniwan nating kinakain ay pwedeng makatulong para mapaganda ang daloy ng dugo kabilang ang almond nuts at iba pang uri ng nuts o mani sapagkat itinuturing ito na isang perpektong light snack na mayroong Vitamin E at healthy fats na kailangan ng katawan.
Dahil naman sa potassium na dala ng saging, napapababa nito ang presyon ng dugo.
Nakakatulong din itong mabawasan ang pangangalay ng ating kalamnan.
Ang sunflower seeds naman nagtataglay ng maraming healthy fats, proteins, fiber, copper, magnesium at vitamin- e na aktibong nakakatutulong sa maayos na daloy ng dugo.
Ayon sa mga eksperto, ang pagpapanatili ng maayos na daloy ng dugo ay makapagdudulot ng dagdag na enerhiya sa katawan na ating magagamit para maging mas produktibo sa trabaho.
