2 ang patay habang 5 ang nasugatan sa pamamaril sa isang shopping mall sa Bangkok, Thailand.
Sa official Facebook page ng Metropolitan Bureau of Investigation (MBI) ng Royal Thai Police, nakasaad na naaresto ng mga otoridad ang 14-anyos na binatilyo na suspek sa insidente.
Inihayag naman ng director ng Erawan Emergency Centre, na isang babaeng Chinese at isang mula Myanmar ang nasawi, taliwas sa una nitong iniulat na 3 ang napaslang sa pamamaril.
Anim naman aniya ang nasugatan, kabilang ang lima na nasa kritikal na kondisyon. —sa panulat ni Lea Soriano
