Tikom ang bibig ng Malakanyang hinggil sa ika-51 anibersaryo ng Martial Law kahapon, Setyembre a-21.
Kinumpirma rin ng Presidential Communications Office na hindi sila maglalabas ng pahayag kaugnay ng anibersaryo ng Martial Law.
Matatandaang noong Setyembre a-21, taong 1972, nang ipatupad ni dating Pangulong Ferdinand Marcos Sr. ang Batas Militar.
Ito ang naghudyat sa pagsisimula ng diktadura.
Ang anibersaryo ng Martial Law ay sinabayan naman ng kilos-protesta ng iba’t ibang militanteng grupo. –sa ulat ni Harley Valbuena, DZME News
