Kinilala ang pelikulang “Quezon” bilang Best Picture sa 9th Entertainment Editor’s Choice Award o Eddys.
Nasungkit din ng lead actor na si Jericho Rosales ang Best Actor trophy habang si Jerrold Tarog ang nanalo ng Best Director.
Naiuwi rin ng “Quezon” ang Best Screenplay at Best Production Design.
Samantala, kinilala si Maris Racal bilang Best Actress sa ipinakitang husay sa pag-arte sa pelikulang “Sunshine.”
Best Supporting Actress si Rochelle Pangilinan para sa “Child No. 82” habang nag-tie naman sa Best Supporting Actor sina Will Ashley para sa “Bar Boys: After School” at Rico Blanco para sa “Manila’s Finest.”
