Nadagdagan ng 68 ang mga aksidente sa kalsada na na-monitor ng Department of Health (DOH), dahilan para umakyat na sa 418 ang kabuuang kaso ngayong holiday season.
Naitala ng DOH ang road accidents simula ala-6 ng umaga ng Dec. 22 hanggang kahapon, Dec. 29.
Ayon sa ahensya, mas mataas ito ng 38% kumpara sa nai-record sa kaparehong panahon noong nakaraang taon.
Sa kabuuang bilang, 291 ang kinasangkutan ng mga motorsiklo habang 70 kaso ang nasa ilalim ng impluwensya ng alak.
Mayroon ding 356 cases na natuklasang hindi gumamit ng anumang safety accessories nang mangyari ang aksidente. —sa panulat ni Lea Soriano-Rivera
