Kinumpirma ng secretariat ng House Committee on Justice na kapwa natanggap nina Eli Remolona Jr., chairman ng Anti-Money Laundering Council, at former senator Antonio Trillanes IV ang subpoena ad testificandum et duces tecum.
Sina Remolona at Trillanes ay pinahaharap sa hearing bukas ng alas diyes ng umaga sa Kamara de Representantes.
Bukod sa personal na pagharap, pinasusumite kay Remolona ang original o certified true copies ng reports sa covered transactions at suspicious transactions na ini-report ng alin mang bangko sa AMLC na kinasasangkutan ni Sara Duterte-Carpio at/o Manases Carpio mula 2006 hanggang 2025.
Si Trillanes naman ay hinihingan ng original o certified true copies ng lahat ng dokumento na binanggit sa impeachment complaints hinggil sa unexpected wealth na bigong ideklara ng bise presidente sa kanyang SALN.
Sa official record ng komite ni Batangas Rep. Gerville “Bitrics Jinky” Luistro, April 16, 2026 kapwa na-receive nina Remolona at Trillanes ang subpoena.
