Hinimok ni Comelec Chairman George Garcia ang PNP na suspindihin ang “Oplan Katok” operations para sa Eleksyon sa Mayo.
Sinabi ni Garcia na paulit-ulit nilang ipa-pakiusap na kung maaari ay suspindihan nalang ang naturang kampanya ngayong election period.
Ang Oplan Katok ay door-to-door campaign laban sa mga baril na expired na ang lisensya.
Binigyang diin ni Garcia na maaaring magdulot ng takot sa mga botante ang oplan katok at gamitin para sa kapakinabangan ng ilang kandidato at politiko.
Una nang nanindigan si PNP Spokesperson, Police Brig. Gen. Jean Fajardo, na ang naturang operasyon ay “regular function” ng PNP. —sa panulat ni Lea Soriano-Rivera
