Nalagpasan ng Bureau of Customs ang kanilang revenue collection target para sa buwan ng Abril.
Sa statement, sinabi ng BOC na naka-kolekta sila ng P68.274-B noong nakaraang buwan, lagpas ng 0.11% sa kanilang target na P68.199-B.
Kumpara noong April 2022, mas mataas 3.97% ang revenue performance ng Customs noong nakaraang buwan mula sa P65.669-B.
Para naman sa unang apat na buwan ng 2023, naka-kolekta ang ahensya ng P281.902-B, lagpas ng 6.29% o sobra ng P16.682-B sa kanilang target na P265.220-B para sa naturang panahon.
Mas mataas din ito ng 10.89% kumpara sa P254.226-B na nakolekta ng BOC noong Enero hanggang Abril ng 2022. —sa panulat ni Lea Soriano
