Sinubukang harangin ng kampo ni Vice President Sara Duterte ang presentasyon kay Anti-Money Laundering Council Executive Director Ronel Buenaventura bilang testigo sa impeachment trial.
Sa Day 33 ng impeachment trial, iginiit ni Atty. Mark Vinluan ng defense team ang confidentiality rule na ipinapatupad sa AMLC.
Iginiit ni Vinluan na pinagbabawalan ang AMLC at ang secretariat nito na ilabas ang mga impormasyon na ipinaalam sa kanila.
Saklaw aniya ng pagbabawal na ito si Buenaventura kahit umalis na siya sa AMLC.
Binigyang-diin pa ni AMLC na hindi exempted sa patakaran na ito ang impeachment trial.
Hindi naman pinagbigyan ng Presiding Officer ang hiling ng defense team.
