Isang taon matapos ang kanilang unang paghaharap, magsasagupa muli sina Filipina tennis ace Alex Eala at Maya Joint ng Australia, sa grass courts ng 2026 Wimbledon.
Magbabakbakan sa second round ng tournament ang dalawa matapos durugin ni Eala si Renata Zarazua ng Mexico sa first round sa score na 6-1, 6-2.
Habang tinalo ni Joint ang tennis legend at 23-time Grand Slam winner na si Serena Williams, na sumabak sa first singles match makalipas ang halos apat na taon.
Una nang nagkrus ang landas nina Eala at Joint sa 2025 Eastbourne Open finals, kung saan itinanghal ang Pinay tennis superstar bilang kauna-unahang Pilipino na nakarating sa WTA Championship round.
