Idineklara ni Pangulong Ferdinand Marcos Jr. ang state of national energy emergency, bunsod ng “imminent danger” sa availability at stability ng energy supply sa bansa dahil sa nagpapatuloy na kaguluhan sa Gitnang Silangan.
Batay sa Executive Order No. 110, ipinag-utos ni Pangulong Marcos ang pag-convene sa komite na mangangasiwa at magpapatupad ng unified package for livelihood, industry, food and transport (UPLIFT).
Ang UPLIFT committee ay pamumunuan ng pangulo bilang chairman habang ang mga miyembro ay kinabibilangan ng executive secretary, at mga kalihim ng Department of Energy, Department of Transportation, Department of Social Welfare and Development, Department of Agriculture, Department of Finance, Department of Economy, Planning, and Development, at Department of Budget and Management.
Titiyakin ng komite na magpapatuloy ang maayos na galaw ng supply at distribution at availability ng langis, pagkain, agricultural products at iba pang essential goods.
Sisiguraduhin din ang tuloy-tuloy na operasyon ng public transportation at services, maging ng healthcare facilities.
Kasama rin sa trabaho ng komite ang pagbuo ng longer-term solutions at mga istratehiya upang mapababa ang pagkonsumo ng mga produktong petrolyo.
Iiral ang state of national energy emergency sa loob ng isang taon.
