Kinumpirma ng Department of Justice na may magkakahiwalay nang plunder complaints laban kina Senador Jinggoy Estrada, dating Senador Ramon Bong Revilla Jr. at dating Cong. Zaldy Co.
May kaugnayan ang mga reklamo sa mga anomalya sa flood control projects.
Sinabi ni DOJ Spokesperson Atty. Polo Martinez, sinimulan na rin nila ang preliminary investigation sa plunder complaints.
Bukod pa ito sa mga kasong paglabag sa anti-graft and corrupt practices act at code of conduct and ethical standards for public officials and employees.
Kinumpirma rin ni Martinez na nakapagsumite na si Revilla ng counter-affidavit kaugnay sa reklamong graft and corruption at itinanggi niya ang mga alegasyon na tumanggap siya ng kickback mula kay dating DPWH Undersecretary Roberto Bernardo.
Iginiit ni Atty. Bianca Soriano, legal counsel ni Estrada na walang batayan ang mga alegasyon laban sa senador.
