Arestado ang isang Most Wanted Person na British national sa isang joint operation ng Southern Police District sa Soltice Tower 2, Barangay Carmona, Makati City.
Kinilala ang suspek bilang si “Anthony,” 56, isang consultant, na may inilabas na warrant of arrest mula kay Presiding Judge Cristina F. Javalera Sulit ng Regional Trial Court, Branch 140, Makati City, dahil sa paglabag sa Section 5(I) ng R.A. 9262 o Anti-Violence Against Women and Their Children Act.
Dinala ang naarestong dayuhan sa Southern Police District para sa dokumentasyon at tamang disposisyon.
