Inaresto ng PNP Anti-Cybercrime Group ang isang lalaki sa isang hotel sa Quezon City matapos ireklamo ng dating nobya dahil sa pamba-blackmail at pangha-harass gamit ang malalaswang larawan at video nito.
Kinilala ang suspek na si alias “Franz,” 18-anyos, na nahuli sa isinagawang entrapment operation matapos ang reklamo ng biktima sa Northern District Anti-Cybercrime Team.
Nahaharap ito sa kasong paglabag sa Grave Coercion ng Revised Penal Code, Republic Act 9262 o Anti-Violence Against Women and Children Act of 2004, at Republic Act 9995 o Anti-Photo and Video Voyeurism Act of 2009.
