Kinumpirma ng Malakanyang ang pagkakatalaga kay Health Undersecretary, Atty. Paolo Teston bilang bagong director general ng Food and Drug Administration (FDA).
Ginawa ni Palace Press Officer Undersecretary, Atty. Claire Castro ang pahayag sa sidelines ng press briefing, kanina.
Wala namang ibinigay na dahilan kung bakit pinalitan si Dr. Samuel Zacate bilang pinuno ng FDA.
Si Zacate ay nagsilbing lead physician ni Pangulong Ferdinand “Bongbong” Marcos Jr..
Samantala, malugod na tinanggap ng FDA ang kanilang bagong director general, sa pagsasabing ang appointment nito ay simula ng panibagong kabanata sa ahensya.
