Nadiskubre ng mga awtoridad ang entertainment area sa loob ng ni-raid na Philippine Offshore Gaming Operator (POGO) hub sa Porac, Pampanga.
Isang KTV club na hinihinalang pugad ng prostitusyon ang nabisto sa compound ng Lucky South 99, na sinimulang salakayin ng Presidential Anti-Organized Crime Commission (PAOCC) noong nakaraang linggo.
Sa unang palapag ng gusali matatagpuan ang KTV at mga VIP room habang sa ikalawang palapag ang tila hotel rooms.
Nasa third floor naman ang billeting rooms o tirahan ng mga entertainer, na ang ilan ay mga Pilipina, batay sa mga nakuha sa kanilang mga ID.
