Itinigil ang perfomance ng P-pop girl group na Bini sa Musikalayaan Concert sa Quirino Grandstand sa Maynila, dahil sa hindi makontrol na mga manonood.
Bandang alas-7 kagabi nang lumabas ang Bini, at naitanghal pa nito ang kanilang opening sing and dance number.
Gayunman, napahinto ito sa pagtatanghal upang umapila sa audience dahil sa gulo, lalo’t mayroon nang nahimatay.
Mayroon ding mga manonood na umakyat na sa mga poste at scaffoldings.
Dahil ayaw magpaawat ng mga tao, tuluyan nang pinutol ang Musikalayaan concert, at itinigil na rin ang livestreaming nito sa Radio Television Malacañang (RTVM).
Sa Facebook post ay nagpasalamat pa rin ang Bini sa mga sumuporta, at humingi ito ng pang-unawa sa pagpapahinto ng pagtatanghal dahil kailangan umanong unahin ang kaligtasan.
