Bumaba ng 6 na puntos ang trust at approval ratings ni Pang. Ferdinand Marcos Jr. habang nabawasan naman ng 9 na puntos ang trust rating ni Vice President Sara Duterte sa unang bahagi ng taong 2024.
Ito’y batay sa pinakahuling resulta ng survey ng OCTA research group, mula March 24-27.
Lumabas din sa survey na nakakuha ang pangulo ng 65% performance rating mula sa dating 71% noong Disyembre ng nakalipas na taon.
Bumaba naman ng 11 puntos ang performance ratings ng pangalawang pangulo na ngayon ay nasa 64% na lamang.
Isinagawa ang survey sa may 1,200 respondents mula sa iba’t ibang bahagi ng bansa.
