Wala pang namo-monitor na banta sa seguridad ng bansa ang Philippine National Police, kaugnay sa pagdiriwang ng ika-38 Anibersaryo ng People Power Revolution sa Feb 25.
Ito ang inihayag ni PNP Chief Police Gen. Benjamin Acorda Jr. kasabay ng pagtiyak na mahigpit na nakatutok ang ahensya sa pagbabantay sa mga grupo na maglulunsad ng protesta sa darating na linggo.
Samantala, nasa 8,500 na pulis ang ipakakalat ng PNP upang masiguro ang kaligtasan ng publiko sa pagdaraos ng okasyon.
