Makatatanggap ang Bases Conversion and Development Authority (BCDA) ng hindi bababa sa ₱85 million na investments para sa bagong leisure, recreation, and tourism developments sa Luzon.
Itatayo sa Clark Estate ng BCDA sa Pampanga ang resort na ide-develop ng Grace Farm Nature Corp. sa ilalim ng 15-year lease agreement.
Nakatakda ring i-develop ng BCDA ang isang restaurant at isang adventure park sa Camp John Hay sa Baguio City, sa ilalim ng magkakahiwalay na lease agreements.
Bukod sa Clark at Camp John Hay, pinangangasiwaan din ng BCDA ang Bonifacio Global City sa Taguig, Roro Point Freeport sa La Union, Moto Discovery Park sa Bataan, at New Clark City sa Tarlac.
