Hindi dapat payagang kumandidato bilang delegado sa Constitutional Convention o Con-Con ang mga kamag-anak ng mga mambabatas.
Ito, ayon kay Senate Minority Leader Koko Pimentel ay sa sandaling manaig ang isinusulong na Cha-Cha via Con-Con ng mga kongresista.
Sinabi ni Pimentel, na hindi maganda kung mga kamag-anak ng mga mambabas ang maging Con-Con delegates at sila ang magpapanukala ng kinakailangang amendments sa Saligang Batas.
Dapat aniya ay pawang elected at hindi appointed ang Con-Con delegates at walang anumang koneksyon sa mga kasalukuyang mambabatas.
Iginiit pa ni Pimentel na kailangang gawing simple ang patakaran sa pagsasagawa ng Con-Con.
Sa kabila nito, nanindigan si Pimentel na Constituent Assembly (Con-Ass) ang pinaka-praktikal na paraan sa pag-amyenda sa Saligang Batas.
