Tutol ang karamihan ng mga Pilipino na suportahan sa Eleksyon ang mga kandidatong pumapanig sa China, batay sa pinakahuling survey ng Pulse Asia.
Sa resulta ng Sept. 6 to 13 survey na nilahukan ng 1,200 respondents, lumitaw na 7 sa bawat 10 Pinoy ang nagsabing hindi nila susuportahan ang Pro-China candidates habang 5% ang sumagot na suportado nila ang mga kandidatong panig sa China.
23% naman ang undecided tungkol sa isyu.
Bagaman, maliit na bilang lamang, ang Mindanao ang nakapagtala ng pinakamataas na suporta sa Pro-China candidates mula sa lahat ng rehiyon. —sa panulat ni Lea Soriano-Rivera
