Niyanig ng magnitude 4.3 na lindol ang lalawigan ng Davao Oriental dakong alas-11:08 kagabi.
Natunton ng PHIVOLCS ang sentro ng lindol sa layong 85 kilometers hilagang silangan ng Baganga, Davao Oriental.
May lalim itong apat na kilometro at tectonic ang origin nito.
Ayon sa PHIVOLCS, wala namang inaasahang pagkasira sa mga istruktura at aftershocks dulot ng naturang pagyanig. —sa panulat ni Melanie Ocampo
