Nilinaw ni Kylie Padilla ang kanyang naging sagot na aalis na siya ng Pilipinas, sa tanong hinggil sa posibleng pagtako ng kanyang ama na si Senador Robin Padilla sa mas mataas na posisyon.
Kasunod ito ng lumutang na Duterte-Padilla tandem sa 2028 national elections.
Sa instagram ng aktres, ipinaliwanag niya, na ang kanyang sagot na aalis na sa Pilipinas, ay dahil nais niya ng tahimik na buhay at hindi aniya para insultuhin ang ama.
Idinagdag ni Kylie na may tiwala siya sa judgement ng kanyang ama at sa magagandang ginagawa nito sa bansa.
Ayon sa kapuso actress, karapatan niyang pumili at magkaroon ng tahimik na buhay.
Sa hiwalay na post sa social media, hiniling ni Kylie na huwag gamitin ang kanyang naging komento laban sa amang senador.
