Tumaas ang inaprubahang foreign investment pledges, noong second quarter, dahil sa lumakas na kumpiyansa ng mga investor, ayon sa Philippine Statistics Authority (PSA).
Lumobo ng 220.7% o sa ₱189.5-B ang foreign investment commitments simula Abril hanggang Hunyo kumpara sa kaparehong panahon noong nakaraang taon.
Kabaliktaran ito ng 64% contraction na naitala sa unang quarter ng 2024.
Pinakamataas ang halaga ng foreign investment pledges noong second quarter simula nang aprubahan ang ₱394.45-B noong fourth quarter ng 2023.
Sa ikalawang quarter, ang Switzerland ang top source ng foreign investment pledges na nagkakahalaga ng ₱172.04-B o 90.8% ng kabuuang commitment.
