Ipinatigil ni US President Donald Trump ang lahat ng military aid sa Ukraine, kasunod ng sagutan nila ni Ukrainian President Volodymyr Zelenskiy noong nakaraang linggo.
Ayon sa isang White House official na tumangging magpakilala, malinaw ang direktiba ni Trump na nakatutok ito sa kapayapaan, at kailangan nila ng partners na committed upang maabot ang kanilang goal.
Muling inihayag ni Trump na dapat ay mas naging appreciative si Zelenskiy sa suporta ng Amerika, matapos galit na sumagot sa report na sinabi umano ng Ukrainian President na malayong-malayo pa bago matuldukan ang giyera.
Sa Truth Social, inilabas ng US President ang sama ng loob, at tinawag na “worst statement” ang tinuran ni Zelenskiy, kasabay ng babala na hindi na ito kaya pang kunsintihin ng Amerika.
