Ang indigestion ang pangkalahatang tawag sa hindi komportableng pakiramdam sa sikmura.
Ito ay hindi isang sakit ngunit nagpapakita ito ng sintomas tulad ng hindi matunawan, hirap sa pag-dighay, pagkahilo, at pagka-impatso pagkatapos kumain.
Kabilang sa mga dahilan ng pagkakaroon ng indigestion ang hindi magandang lifestyle tulad ng sobrang pagkain at pag-inom ng alak, labis na pag-aalala, paninigarilyo, emotional trauma, at kondisyon gaya ng ulcer o gallstones.
Para maiwasan ang indigestion, kumain ng pakonti-konti ngunit mas madalas, iwasan ang mga “trigger foods” gaya ng maaanghang na pagkain, softdrinks, at iba pa.
Kailangan ding panatilihin ang tamang timbang, mag-ehersisyo ng madalas, suriin ang mga iniinom na gamot, at bawasan ang stress.
