Naglunsad ang Presidential Communications Office ng live microsite para sa ikalawang State of the Nation Address ni Pangulong Ferdinand “Bongbong” Marcos Jr..
Makikita sa microsite ang mga update at iba pang kaganapan kaugnay ng SONA ng Pangulo ngayong araw ng Lunes, Hulyo a-24.
Naka-upload na rin dito ang ilang news releases ng PCO hinggil sa mga preparasyon ng chief executive at ilan sa mga aasahan ng publiko sa kanyang SONA.
Mapapanuod din sa microsite ang livestream ng mismong SONA ng Pangulo mamayang hapon.
Ang microsite ay maaari nang ma-access sa link na pco.gov.ph/sona/2023/.
