Maaari nang ma-download at magamit sa iba’t ibang social media at online communication platforms ang iba’t ibang stickers at GIFs para sa State of the Nation Address ni Pangulong Ferdinand “Bongbong” Marcos Jr.
Ayon sa Presidential Communications Office, magagamit na ang SONA 2023 stickers sa Viber.
Maaari ring gamitin ang SONA 2023 GIFs sa Facebook at Instagram stories.
Ilan sa tampok na GIFs ay ang imahe ng pangulo habang kumakaway, at ang bagong Pilipinas.
Mamayang alas-4:00 ng hapon ay pangungunahan ni Marcos ang kanyang ikalawang ulat sa bayan, sa Batasang Pambansa sa Quezon City.
