Hindi nakaligtas sa mga netizen ang pagiging komportable sa isa’t isa nina Yassi Pressman at presidential son, Ilocos Norte Rep. Sandro Marcos.
Sa video na ipinost sa TikTok, may isang bahagi ng video na nakasandal si Pressman kay Marcos na nasa kanyang likuran habang ang isa niyang braso ay naka-angkla sa leeg ng presidential son.
Hindi naman nag-komento ang dalawa sa nag-viral na video, bagaman dati na nilang iginiit na “they are really just good friends.”
Gayunman, may ilang followers na hindi napigilang magbigay ng kanilang opinyon at kiligin dahil bagay daw ang dalawa.
Bukod kay Marcos ay nali-link din si Pressman kay Camarines Sur Gov. Luigi Villafuerte makaraang makunan sila ng litrato na magkasama sa isang event sa lalawigan, at hinalikan pa ng gobernador sa pisngi ang aktres. —sa panulat ni Lea Soriano
