Minamadali ng Department of Public Works and Highways (DPWH) ang pagkumpleto ng ginagawang construction ng 4-storey Open University System Building ng Polytechnic University of the Philippines (PUP) sa Mabini Campus sa Sta. Mesa, Maynila.
Sinabi ni DPWH National Capital Region (NCR) Dir. Loreta M. Malaluan na ang mga civil works sa bagong gusali ng PUP ay kasalukuyang 50% natapos.
Sa alokasyon na P50-M, ang PUP Open University System Building ay naglalayong magbigay ng mas magandang learning facility para sa mga mag-aaral.
Ang PUP Open University System ay nagbibigay ng pagkakataon para sa mga estudyanteng may problemang pinansyal, out-of-school youth, guro, administrador, managers, propesyonal, at ordinaryong empleyado, na ituloy ang mga programang pang-degree at non-degree na kurso sa mas mababang halaga at mas flexible na iskedyul.
“Habang ang institusyon ay nagbibigay ng mas maraming mga mag-aaral bawat taon, ang pangangailangan para sa mas mahusay na mga pasilidad ay inuuna ng pamunuan ng PUP.
Umaasa na ang Gusaling ito ang siyang magpupuno sa kakulangan at panga-ngailangan para sa moderno at kumpletong gamit at pasilidad ng paaralan,” ani Direktor Malaluan
ang gusali ay “Idinisenyo upang mabigyan ang unibersidad ng isang mas kaaya-ayang kapaligiran, ang proyekto ay makakatulong sa pagsulong at pagpapaunlad ng akademiko at panlipunang pag-aaral para sa mga mag-aaral na nagtapos ng PUP.” —ulat mula kay Felix Laban, DZME News
